darmiyaan khud apnii hasti ho to ham bhi kya karen
— Khalilur Rahman Azmi
Darmiyaan khud apnee hastee ho to ham bhee kya karen
Aa.eena dekhen ki apne-aap se pardaa karen
Haal ke sailaab men to bah ga.ee maazee kee laash
Dafn ab kis kee galee men ham gham-e-fardaa karen
Ek do pal hee rahegaa sab ke chehron kaa tilism
Koi aisa ho ki jis ko der tak dekhaa karen
Ye to sach hai zahr lagte hain hamen bastee ke log
Kis tavaqqo par magar aabaad ye sahraa karen
Sar-phire sab jam.a hon sab ke saron par ho charaagh
Bas chale to ham bhee aisa jashn ik barpaa karen