hamen bhi kyuun na ho daavaa ki ham bhi yaktaa hain

Hamen bhee kyuun na ho da.avaa ki ham bhee yaktaa hain Hamaare Khoon ke pyaase jab ahl-e-dunya hain Bas is khataa pe ki pahchaante hain kyuun sab ko Ye saahibaan-e-nazar shahr bhar men rusvaa hain Ham ahl-e-dil kaa zamaana hee saath de na sakaa Hamen bhee dukh hai ki ham is safar men tanhaa hain Hamen na jaano faqat Doobtaa huaa lamha Hamen yaqeen hai ki ham hee nishaan-e-fardaa hain MiTaa sakegee hamen kya koi siyah-bakhtee Ham apna jism bhee hain ham hee apna saayaa hain Hamen pukaar na ab ai aroos-e-shabnam-o-gul Hamen na DhoonDh ki ham be-kanaar sahraa hain Sadaa-e-saaz nahin ham-navaa-e-gham hee sahee Hamen suno ki hamen aitbaar-e-naghma hain