hangaama e hayaat se jaan bar na ho sakaa

Hangaama-e-hayaat se jaan-bar na ho sakaa Ye dil ajiib dil hai ki patthar na ho sakaa Meraa lahoo bhee pee ke na Dunya javaan huee Qeemat mire junoon kee miraa sar na ho sakaa Teree galee se chhuT ke na jaa-e-amaan milee Ab ke to meraa ghar bhee miraa ghar na ho sakaa Tere na ho sake to kisee ke na ho sake Ye kaarobaar-e-shauq mukarrar na ho sakaa Yuun jee bahal gaya hai tiree yaad se magar Teraa khayaal tere baraabar na ho sakaa Guzree jo shab to bujh ga.e apne charaagh bhee Aa.ee sahar to phir koee rahbar na ho sakaa