har ghadii umr e faromaaya ki qiimat maange

Har ghaDee umr-e-faromaaya kee qeemat maange Mujh se aa.eena miraa meree hee soorat maange Duur rah kar hee jo aankhon ko bhale lagte hain Dil-e-deevaana magar un kee hee qurbat maange Poochhte kya ho in aankhon kee udaasee kaa sabab Khvaab jo dekhe wo khawabon kee haqeeqat maange Apne daaman men chhupaa le mire ashkon ke charaagh Aur kya tujh se koee ai shab-e-furqat maange Wo nigah kahtee hai baiThe raho mahfil men abhee Dil kee aashuftagee uThne kee ijaazat maange Zahr pee kar bhee jiyoon main ye alag baat magar Zindagee us lab-e-rangeen kee halaavat maange Zeb dete naheen ye turra-o-dastaar mujhe Meree shoreeda-saree sang-e-malaamat maange