har zarra gul fishaan hai nazar chuur chuur hai

Har zarra gul-fishaan hai nazar chuur chuur hai Nikle hain mai-kade se to chehre pe nuur hai Haan too kahe to jaan kee parvaa naheen mujhe Yuun zindagee se mujh ko mohabbat zaroor hai Ab ai havaa-e-charkh-e-kuhan teree khair ho UThne ko is zameen se shor-e-nushoor hai Apna jo bas chale to tujhe tujh se maang len Par kya karen ki ishq kee fitrat ghayoor hai Naazuk thaa aab-geena-e-dil Toot hee gaya Too ab na ho malool tiraa kya qusoor hai Aariz pe tere meree mohabbat kee surkhiyaan Meree jabeen pe teree wafa kaa ghuroor hai