kahuun ye kaise ki jiine kaa hausla dete

Kahoon ye kaise ki jiine kaa hausla dete Magar yahee ki mujhe gham koi nayaa dete Shab-e-guzishta bahut tez chal rahee thee havaa Sadaa to dee pe kahaan tak tujhe sadaa dete Ka.ee zamaane isee pech-o-taab men guzre Ki aasmaan ko tire paanv par jhukaa dete Ye kahiye lauh-e-jabeen par hai daagh-e-rusvaa.ee Zamaane vaale hamen khaak men milaa dete Huee thee ham se jo laghzish to thaam lenaa thaa Hamaare haath tumhen umr bhar duaa dete Bhalaa huaa ki koi aur mil gaya tum saa Vagarna ham bhee kisee din tumhen bhulaa dete Koi ho lamha-e-fursat ki baith kar ham bhee Zaraa uroos-e-tamannaa ko aa.eena dete Milaa hai jurm-e-wafa par azaab-e-mahjooree Ham apne aap ko is se kaDee sazaa dete Zabaan pe kis liye ye harf-e-naagavaar aataa Hamaare zakhm hamaaraa agar pataa dete Zaraa see der Thahartee jo gardish-e-ayyaam Use shabaab-e-gurezaan kaa vaasta dete