khud apna aks hoon ki kisi ki sadaa hoon main

Khud apna aks hoon ki kisee kee sadaa hoon main Yuun shahr taa-ba-shahr jo bikhraa huaa hoon main Main DhoonDne chalaa hoon jo khud apne-aap ko Tohmat ye mujh pe hai ki bahut khud-numaa hoon main Mujh se na poochh naam miraa rooh-e-kaa.enaat Ab aur Kuch naheen hoon tiraa aa.eena hoon main Jab niind aa ga.ee ho sadaa-e-jaras ko bhee Meree khataa yahee hai ki kyuun jaagtaa hoon main Laa.oon kahaan se DhoonDh ke main apna ham-navaa Khud apne har khayaal se Takraa chukaa hoon main Ai umr-e-rafta main tujhe pahchaantaa naheen Ab mujh ko bhuul jaa ki bahut bevafaa hoon main