khud chale aao yahaan yaa ki sadaa do ham ko

Khud chale aao yahaan yaa ki sadaa do ham ko Ham gunahgaar tumhaare hain du'aa do ham ko Kya karen ham se ye hotee nahin Dunya-daaree Ham jo Dunya ke nahin hain to miTaa do ham ko Ham tumhaare hain tumhaare hee qareeb aa baiThe Hoon jo gustaakh to mahfil se uThaa do ham ko Daaman-e-qais sahee daaman-e-yoosuf na sahee Ab to ye chaak hai jo chaahe sazaa do ham ko Apnee hee raakh men ye aag na kajlaa jaa.e Ab lagaa.ee hai to aanchal kee havaa do ham ko Ye bhee ham bhuul ga.e naam hamaaraa kya thaa Poochh kar gardish-e-dauraan se bataa do ham ko Yaa hamen qaid karo mahbas-e-tanhaa.ee men Yaa usee dushman-e-jaanee se milaa do ham ko Jin ko aankhon se lagaayaa to hamen chhoD ga.e Unheen chehron unheen khawabon kaa pata do ham ko