main kahaan hoon Kuch bataa de zindagii ai zindagii

Main kahaan hoon Kuch bataa de zindagee ai zindagee! Phir sadaa apnee sunaa de zindagee ai zindagee! So ga.e ik ek kar ke khaana-e-dil ke charaagh In charaaghon ko jagaa de zindagee ai zindagee! Wo bisaat-e-sher-o-naghma ratjage wo chahchahe Phir vahee mahfil sajaa de zindagee ai zindagee! Jis ke har qatre se rag rag men machaltaa thaa lahoo Phir vahee ik shai pilaa de zindagee ai zindagee! Ab to yaad aataa naheen kaisaa thaa apna rang-roop Phir miree soorat dikhaa de zindagee ai zindagee! Ek muddat ho ga.ee rooThaa hoon apne-aap se Phir mujhe mujh se milaa de zindagee ai zindagee! Jaane bargashta hai kyuun mujh se zamaane kee havaa Apne daaman kee havaa de zindagee ai zindagee! Rach gaya hai meree nas nas men miree raaton kaa zahr Mere sooraj ko bulaa de zindagee ai zindagee!