tarz jiine ke sukhaatii hai mujhe
— Khalilur Rahman Azmi
Tarz jiine ke sikhaatee hai mujhe
Tishnagee zahr pilaatee hai mujhe
Raat bhar rahtee hai kis baat kee dhun
Na jagaatee na sulaatee hai mujhe
Aa.eena dekhoon to kyoonkar dekhoon
Yaad ik shakhs kee aatee hai mujhe
Band kartaa hoon jo aankhen kya kya
Raushnee see nazar aatee hai mujhe
Koi mil jaa.e to rasta kaT jaa.e
Apnee parchhaa.een Daraatee hai mujhe
Ab to ye bhuul gaya kis kee talab
Des pardes phiraatee hai mujhe