tirii sadaa kaa hai sadiyon se intizaar mujhe
— Khalilur Rahman Azmi
Tiree sadaa kaa hai sadiyon se intizaar mujhe
Mire lahoo ke samundar zaraa pukaar mujhe
Main apne ghar ko bulandee pe chaDh ke kya dekhoon
Urooj-e-fan miree dahleez par utaar mujhe
Ubalte dekhee hai sooraj se main ne taareekee
Na raas aa.egee ye sub.h-e-zar-nigaar mujhe
Kahegaa dil to main patthar ke paanv choomoongaa
Zamaana laakh kare aa ke sangsaar mujhe
Wo faaqa-mast hoon jis raah se guzartaa hoon
Salaam kartaa hai aashob-e-rozgaar mujhe