wo ghadii wo rut gaii wo din gae mausam gae

Wo ghaDee wo rut ga.ee wo din ga.e mausam ga.e Saath ik jaan-e-wafa ke kitne hee aalam ga.e Wo ga.e to aur phir koi na un saa mil sakaa Vaadee vaadee ham phire poorab ga.e pachchham ga.e Aas TuuTee dil kee yaa koi nayaa waada huaa Ai shab-e-gham kya huaa kyuun mere aansoo tham ga.e Ek ham jo tujh se chhuT kar bhee tire dar ke rahe Ek wo jo bazm men rah kar bhee naa-mahram ga.e Aaj se khush rah ke bhee dekhenge tere gham-naseeb Teree marzee hai to le aahen ga.iin maatam ga.e