wo ham safiir the to qafas bhi chaman hi thaa

Wo ham-safeer the to qafas bhee chaman hee thaa Ab jaise aashiyaan bhee miraa aashiyaan naheen Mere junoon pe un ko khalish see zaroor hai Ye aur baat hai ki wo Kuch mehrbaan naheen Sab naa-umeed ho ke zamaane se jaa mile Ahl-e-wafa kaa aaj koee raaz-daan naheen Kaisee bahaar kaisaa chaman kaisaa mai-kada Meraa lahoo bhee pee ke ye Dunya javaan naheen Ham ahl-e-gham ke paas dil-e-khoon-chakaan to hai Tum ko sunaa.en haal wo tarz-e-bayaan naheen Naaseh kee zid pe charkh ko laanaa thaa raah par Kaise kahen ki sa.ee-e-junoon raa.egaan naheen