ye tamanna nahin ab daad e hunar de koi

Ye tamanna naheen ab daad-e-hunar de koee Aa ke mujh ko mire hone kee khabar de koee Ek muddat se hai dil kaasa-e-khaalee kee tarah Kisee sheeshe men lahoo hove to bhar de koee Har jagah saath rahegee yahee deevaar kee qaid Sar uThaane ko hamen kaun saa ghar de koee Meer-e-mahfil ko gavaara naheen ye tarz-e-kalaam Sham'-e-kushta ko jo 'unvaan-e-sahar de koee Saahib-e-fan ko bas ik ghuncha-e-takhleeq bahut Varna be-sood agar 'umr-e-khizar de koee