ai maut unhen bhulaae zamaane guzar gae

Ai maut unhen bhulaa.e zamaane guzar ga.e Aa jaa ki zahr khaa.e zamaane guzar ga.e O jaane vaale aa ki tire intizaar men Raste ko ghar banaa.e zamaane guzar ga.e Gham hai na ab khushee hai na ummeed hai na yaas Sab se najaat paa.e zamaane guzar ga.e Kya laa.iq-e-sitam bhee naheen ab main dosto Patthar bhee ghar men aa.e zamaane guzar ga.e Jaan-e-bahaar phuul naheen aadmee hoon main Aa jaa ki muskuraa.e zamaane guzar ga.e Kya kya tavaqquaat thiin aahon se ai 'khumaar' Ye tiir bhee chalaa.e zamaane guzar ga.e