haal e gam un ko sunaate jaaiye
— Khumar Barabankavi
Haal-e-gham un ko sunaate jaa.iye
Shart ye hai muskuraate jaa.iye
Aap ko jaate na dekhaa jaa.egaa
Sham.a ko pahle bujhaate jaa.iye
Shukriyaa lutf-e-musalsal kaa magar
Gaahe gaahe dil dukhaate jaa.iye
Dushmanon se pyaar hota jaa.egaa
Doston ko aazmaate jaa.iye
Raushnee mahdood ho jin kee 'khumaar'
Un charaaghon ko bujhaate jaa.iye