hosh zada naadaan se dar
— Khumar Barabankavi
Hosh-zada naadaan se Dar
Baat samajh insaan se Dar
Tark-e-mohabbat bhee hai fareb
Thahre hue toofaan se Dar
Raah-e-junoon hai raah-e-najaat
Kufr se bhaag eemaan se Dar
Dooree-o-qurbat kuch bhee nahin
Ishq men itmeenaan se Dar
Maut bhee itnee talkh nahin
Doston ke ehsaan se Dar
Ek tabassum kam na samajh
Aansuon ke toofaan se Dar
HonTh hansen dil ro.e 'khumaar'
Ishq kee jhooTee shaan se Dar