kabhi jo main ne masarrat kaa ehtimaam kiyaa

Kabhi jo main ne masarrat kaa ehtimaam kiyaa BaDe tapaak se gham ne mujhe salaam kiyaa Hazaar tark-e-ta.alluq kaa ehtimaam kiyaa Magar jahaan wo mile dil ne apna kaam kiyaa Zamaane vaalon ke Dar se uThaa na haath magar Nazar se us ne ba-sad ma.azarat salaam kiyaa Kabhi hanse kabhi aahen bhareen kabhi ro.e Ba-qadr-e-martaba har gham kaa ehtiraam kiyaa Hamaare hisse kee mai kaam aa.e pyaason ke Ze-raah-e-khair gunaah-e-shikast-e-jaam kiyaa Tuloo-e-mahr se bhee ghar kee teergee na ghaTee Ik aur shab kaTee yaa main ne din tamaam kiyaa Duaa ye hai na hon gumraah ham-safar mere 'khumaar' main ne to apna safar tamaam kiyaa