mujh ko ye jaan o dil qubuul nagme ko nagma hi samajh

Mujh ko ye jaan-o-dil qubool naghme ko naghma hee samajh Saaz ye beet.tee hai kya ye bhee kabhee kabhee samajh Ishq hai tishnagee kaa naam toD de gar mile bhee jaam Shiddat-e-tishnagee na dekh lazzat-e-tishnagee samajh Husn kee mehrbaaniyaan ishq ke haq men zahr hain Husn ke ijtinaab tak ishq kee zindagee samajh Tark-e-ta.alluqaat bhee ain-e-ta.alluqaat hai Aag bujhee huee na jaan aag dabee huee samajh Aql ke kaarobaar men dil ko bhee rakh shareek-e-kaar Dil ke muaamalaat men aql ko ajnabee samajh Ghuncha-o-gul ke saath saath dil kee taraf bhee ik nazar Shefta-e-shaguftagee vaj.h-e-shaguftagee samajh Aise bhee raaz hain 'khumaar' hote naheen jo aashkaar Apnee hee mushkilen na dekh un kee bhee bebasee samajh