sajdon ki rasm e kohan ko hosh ganvaa ke bhuul jaa

Sajdon kee rasm-e-kohan ko hosh ganvaa ke bhuul jaa Sang-e-dar-e-habeeb par sar ko jhukaa ke bhuul jaa Ishq ko barqaraar rakh dil ko lagaa ke bhuul jaa Is se bhee mutma.in na ho us ko bhee paa ke bhuul jaa Dil se taDap judaa na kar saaz ko be-sadaa na kar Dard jo ho fughaan talab honTh hilaa ke bhuul jaa Dard uThe uThaa kare choT lage lagaa kare Kuch bhee ho too ba-naam-e-dost hans ke hansaa ke bhuul jaa Jaam-ba-dast-o-mai-ba-jaam yuun hee guzaar sub.h-o-shaam Ziist kee talkhiyaan mudaam pee ke pilaa ke bhuul jaa Manzil-e-ishq se guzar be-khud-o-mast-o-be-khabar ChoT lage to uf na kar dil ko dabaa ke bhuul jaa Guzre hue zamaane ko yaad na kar kabhi 'khumaar' Aur jo yaad aa hee jaa.e ashk bahaa ke bhuul jaa