vahii phir mujhe yaad aane lage hain
— Khumar Barabankavi
Vahee phir mujhe yaad aane lage hain
Jinhen bhoolne men zamaane lage hain
Wo hain paas aur yaad aane lage hain
Mohabbat ke hosh ab Thikaane lage hain
Sunaa hai hamen wo bhulaane lage hain
To kya ham unhen yaad aane lage hain
HaTaa.e the jo raah se doston kee
Wo patthar mire ghar men aane lage hain
Ye kahnaa thaa un se mohabbat hai mujh ko
Ye kahne men mujh ko zamaane lage hain
Havaa.en chaleen aur na maujen hee uTTheen
Ab aise bhee toofaan aane lage hain
Qayaamat yaqeenan qareeb aa ga.ee hai
'khumaar' ab to masjid men jaane lage hain