aagosh e gul men lazzat e sohbat nahin rahii
— Kishwar Naheed
Aaghosh-e-gul men lazzat-e-sohbat nahin rahi
Kis se kahoon ki qaus-e-mohabbat nahin rahi
Maujood hoon bisaat-e-tamannaa ke dasht men
Pahloo men aabroo-e-hazeemat nahin rahi
Dekhaa use to qarz-e-wafa yaad aa gaya
Baaton men us kee khoo-e-iraadat nahin rahi
Main bhuul ke bhee us kee galee men na jaa.oongee
Pahchaantee hoon dil men muravvat nahin rahi
Shaamon ke saa.e DhoonDne nikle the kal yaheen
Kahte hain aaj ishq kee mohlat nahin rahi
Bikhre hue hain lafz bhee nauhagaree kahaan
Dil men havaa-e-khalvat-o-jalvat nahin rahi
Ab bas karo ki aankhon men paanee nahin raha
Is zindagee men ab koi tohmat nahin rahi