aakhirii faisla

KaanTon kee chaTTaan pe khaDee Main aankhon kee sooiyaan nikaal rahi hoon Ye ilaaqa kis saltanat men shaamil hai Mulookiyat meree zabaan pe kaanTe Halq men phandaa Aankhen baahar Shaah-baloot ke lambe darakhton jaise Lambe puut bahut ho ga.e hain Jangal men darakht ziyaada ho jaa.en To aag lagaa kar darakht kam kar diye jaate hain Baahar niklee huee aankh se za.afraan kaa khet Aur kaTe hue baazuon se ganne kee poriyaan ban ga.ee hain Ham ne ek jhuuT bolaa tha naa Ab saaree umr us ko sach saabit karne men guzaar denge Ham ki jo zindagee bhar Apne hisse kee roTee kamaane kee koshish karte hain Aur bhooke rahte hain JhooTee aas kee chhatree tale Bulbule jaise aansoo Bataashon kee tarah thaal men sajaa.e Kab tak batlaatee rahogee Ki wo tumhaaraa qaatil nahin hai Qatl mahz saaniye men Zindagee kaa rishta khatm karne kaa naam nahin Maujood se inkaar bhee To qatl ke mutaraadif hota hai Meraa jee kartaa hai Vo jo sab mere qaatil hain Main unhen havaa kee tarah nigal jaaon KanTon ki chaTTan pe khaDi Main aankhon ki suiyan nikal rahi hun Ye ilaqa kis saltanat mein shamil hai Mulukiyat meri zaban pe kanTe Halq mein phanda Aankhen bahar Shah-balut ke lambe daraKHton jaise Lambe put bahut ho gae hain Jangal mein daraKHt ziyaada ho jaen To aag laga kar daraKHt kam kar diye jate hain Bahar nikli hui aankh se zafran ka khet Aur kaTe hue bazuon se ganne ki poriyan ban gai hain Hum ne ek jhuT bola tha na Ab sari umr us ko sach sabit karne mein guzar denge Hum ki jo zindagi bhar Apne hisse ki roTi kamane ki koshish karte hain Aur bhuke rahte hain JhuTi aas ki chhatri tale Bulbule jaise aansu Batashon ki tarah thaal mein sajae Kab tak batlati rahogi Ki wo tumhaara qatil nahin hai Qatl mahz saniye mein Zindagi ka rishta KHatm karne ka nam nahin Maujud se inkar bhi To qatl ke mutaradif hota hai Mera ji karta hai Wo jo sab mere qatil hain Main unhen hawa ki tarah nigal jaun