ai rah e hijr e nau faroz dekh ki ham thahar gae

Ai rah-e-hijr-e-nau-faroz dekh ki ham Thahar ga.e Ye bhee nahin ki zinda hain ye bhee nahin ki mar ga.e Khvaab talak rihaa.ee thee tere firaaq-o-hijr se Aankh khulee to aa.ine tah men kaheen utar ga.e Too bhee miree tarah raha dhyaan uThaa.e shahr kaa So.e to Chaaon so ga.ee qaafile kuuch kar ga.e Tujh ko bahut qareeb se dekh ke yuun lagaa ki ab Khema-e-jaan ukhaD gaya dasht-e-talab guzar ga.e Dil kee gavaahee ke liye rasm-e-duaa buree na thee Ranj-e-khumaar-e-be-samar DhoonDne us ke ghar ga.e Ham hee the wo balaa-kashaan daar-o-rasan the jin kee jaan Ham hee the shab ke ham-safar ham hee na apne ghar ga.e Dil ko tire firaaq kee aarzoo yaad rah ga.ee Din wo mohabbaton ke bhee misl-e-rah-e-safar ga.e Mere liye bhee khvaab the us ne rakhe hue kaheen Shahr men un ko DhoonDne qaasid-e-be-hunar ga.e