dil ko bhi gam kaa saliiqa na thaa pahle pahle

Dil ko bhee gham kaa saleeqa na thaa pahle pahle Us ko bhee bhoolnaa achchhaa lagaa pahle pahle Dil thaa shab-zaad use kis kee rifaaqat miltee Khvaab taa'beer se chhuptaa raha pahle pahle Pahle pahle vahee andaaz thaa Dariya jaisaa Paas aa aa ke palaTtaa raha pahle pahle Aankh aa.eenon kee hairat nahin jaatee ab tak Hijr kaa ghaav bhee us ne diyaa pahle pahle Khel karne ko bahut the dil-e-khwaish-deeda Kyuun havaa dekh jalaayaa diyaa pahle pahle Umr-e-aa.inda ke khawabon ko pyaasaa rakkhaa Faasla paanv pakaDtaa raha pahle pahle Naakhun-e-be-khabaree zakhm banaataa hee raha Koo-e-vahshat men to rasta na thaa pahle pahle Ab to us shakhs kaa paikar bhee gul-e-khvaab nahin Jo kabhi mujh men thaa mujh jaisaa thaa pahle pahle Ab wo pyaasaa hai to har buund bhee poochhe nisbat Wo jo dariyaaon pe hanstaa raha pahle pahle Wo mulaaqaat kaa mausam nahin aayaa ab ke Jo sar-e-khvaab sanvartaa raha pahle pahle Gham kaa Dariya miree aankhon men simaT kar poochhe Kaun ro ro ke bichhaDtaa raha pahle pahle Ab jo aankhen huiin sahraa to khulaa har manzar Dil bhee vahshat ko tarastaa raha pahle pahle Main thee deevaar to ab kis kaa hai saaya tujh par Aisa sahraa-zada chehraa na thaa pahle pahle