ghaas to mujh jaisii hai ghaas bhi mujh jaisii hai

Ghaas bhee mujh jaisee hai Paanv-tale bichh kar hee zindagee kee muraad paatee hai Magar ye bhiig kar kis baat gavaahee bantee hai Sharmsaaree kee aanch kee Ki jazbe kee hiddat kee Ghaas bhee mujh jaisee hai Zaraa sar uThaane ke qaabil ho To kaaTne vaalee machine Use makhmal banaane kaa sauda liye Hamvaar kartee rahtee hai Aurat ko bhee hamvaar karne ke liye Tum kaise kaise jatan karte ho Na zameen kee numoo kee khwaish martee hai Na aurat kee Meree maano to vahee pagDanDee banaane kaa khayaal durust tha Jo hauslon kee shikaston kee aanch na sah saken Vo paivand-e-zameen ho kar Yoonhee zor-aavaron ke liye raasta banaate hain Magar wo par-e-kaah hain Ghaas nahin Ghaas to mujh jaisee hai! Ghas bhi mujh jaisi hai Panw-tale bichh kar hi zindagi ki murad pati hai Magar ye bhig kar kis baat gawahi banti hai Sharmsari ki aanch ki Ki jazbe ki hiddat ki Ghas bhi mujh jaisi hai Zara sar uThane ke qabil ho To kaTne wali machine Use maKHmal banane ka sauda liye Hamwar karti rahti hai Aurat ko bhi hamwar karne ke liye Tum kaise kaise jatan karte ho Na zamin ki numu ki KHwahish marti hai Na aurat ki Meri mano to wahi pagDanDi banane ka KHayal durust tha Jo hauslon ki shikaston ki aanch na sah saken Wo paiwand-e-zamin ho kar Yunhi zor-awaron ke liye rasta banate hain Magar wo par-e-kah hain Ghas nahin Ghas to mujh jaisi hai!