girya maayuusii gam e tark e wafa Kuch na raha

Girya, maayoosee, gham-e-tark-e-wafa Kuch na raha Zindagee rah ga.ee jiine kaa mazaa Kuch na raha Raushnee thee to har ik shai kee haqeeqat thee ayaan Teergee men miree aankhon ke sivaa Kuch na raha Pairahan rang birange nikal aa.e itne Nau-dameeda gul-e-shabboo men chhupaa Kuch na raha Khaa ga.ee khaak ko hee khaak karen kisee se gila Kya kureden ki tah-e-khaak chhapaa Kuch na raha Tere milne ke Dhang bhee tasleem magar Zaa.iqa is tarah badlaa ki mazaa Kuch na raha Kyuun na ho hashr bapaa daad-e-wafa kyuun na mile Jab tire chaahne vaalon ke sivaa Kuch na raha Kyuun na mehmaanon ke kamre men sajaa.en in ko Ilm kaa naam kitaabon ke sivaa Kuch na raha Khushboo-e-vasl tavajjoh kaa wo aalam wo khuloos Doobte chaand kee aaghosh men kya Kuch na raha