ham gunahgaar aurten ye ham gunahgaar aurten hain

Ye ham gunahgaar aurten hain Jo ahl-e-jubba kee tamkanat se na ro.ab khaa.en Na jaan bechen Na sar jhukaa.en Na haath joDen Ye ham gunahgaar aurten hain Ki jin ke jismon kee fasl bechen jo log Vo sarfaraaz Thahren Niyaabat-e-imtiyaaz Thahren Vo daavar-e-ahl-e-saaz Thahren Ye ham gunahgaar aurten hain Ki sach kaa parcham uThaa ke niklen To jhuuT se shaahraahen aTee mile hain Har ek dahleez pe sazaaon kee daastaanen rakhee mile hain Jo bol saktee thiin wo zubanein kaTee mile hain Ye ham gunahgaar aurten hain Ki ab ta.aaqub men raat bhee aa.e To ye aankhen nahin bujhengee Ki ab jo deevaar gir chukee hai Use uThaane kee zid na karnaa! Ye ham gunahgaar aurten hain Jo ahl-e-jubba kee tamkanat se na ro.ab khaa.en Na jaan bechen Na sar jhukaa.en na haath joDen! Ye hum gunahgar aurten hain Jo ahl-e-jubba ki tamkanat se na roab khaen Na jaan bechen Na sar jhukaen Na hath joDen Ye hum gunahgar aurten hain Ki jin ke jismon ki fasl bechen jo log Wo sarfaraaz Thahren Niyabat-e-imtiyaz Thahren Wo dawar-e-ahl-e-saz Thahren Ye hum gunahgar aurten hain Ki sach ka parcham uTha ke niklen To jhuT se shahrahen aTi mile hain Har ek dahliz pe sazaon ki dastanen rakhi mile hain Jo bol sakti thin wo zabanen kaTi mile hain Ye hum gunahgar aurten hain Ki ab taaqub mein raat bhi aae To ye aankhen nahin bujhengi Ki ab jo diwar gir chuki hai Use uThane ki zid na karna! Ye hum gunahgar aurten hain Jo ahl-e-jubba ki tamkanat se na roab khaen Na jaan bechen Na sar jhukaen na hath joDen!