ham ki magluub e gumaan the pahle

Ham ki maghloob-e-gumaan the pahle Phir vaheen hain ki jahaan the pahle Khvaahishen jhurriyaan ban kar ubhreen Zakhm siine men nihaan the pahle Ab to har baat pe ro dete hain Vaaqif-e-sood-o-ziyaan the pahle Dil se jaise koi kaanTaa niklaa Ashk aankhon se ravaan the pahle Ab faqat anjuman-aaraa.ee hai Aitbaar-e-dil-o-jaan the pahle Dosh pe sar hai ki hai barf jamee Ham ki sho.alon kee zabaan the pahle Ab to har taaza sitam hai tasleem Haadse dil pe giraan the pahle Meree ham-zaad hai tanhaa.ee miree Aise rishte bhee kahaan the pahle