hasrat hai tujhe saamne baithe kabhi dekhuun

Hasrat hai tujhe saamne baiThe kabhi dekhoon Main tujh se mukhaatib hoon tiraa haal bhee poochhoon Dil men hai mulaaqaat kee khwaish kee dabee aag Mehndee lage haathon ko chhupaa kar kahaan rakkhoon Jis naam se too ne mujhe bachpan se pukaaraa Ik 'umr guzarne pe bhee wo naam na bhooloon Too ashk hee ban ke miree aankhon men samaa jaa Main aa.eena dekhoon to tiraa aks bhee dekhoon Poochhoon kabhi ghunchon se sitaaron se havaa se Tujh se hee magar aa ke tiraa naam na poochhoon Jo shakhs ki hai khvaab men aane se bhee khaa.if Aa.eena-e-dil men use maujood hee dekhoon Ai meree tamannaa ke sitaare too kahaan hai Too aa.e to ye jism shab-e-gham ko na saunpoon