ishq ki gum shuda manzilon men gaii
— Kishwar Naheed
Ishq kee gum-shuda manzilon men ga.ee
Zindagee lauT kar daldalon men ga.ee
Yaas-o-hasrat bharee be-amaan zindagee
Aas ke reshmee aanchalon men ga.ee
Wo sadaa jo fughaan ban ke uTThee magar
Khaamushee ke ghane jangalon men ga.ee
Tum se ho kar judaa yak-nafas dosto
Zindagee marghaTon daldalon men ga.ee
Kaun jaane ki uDtee huee dhoop bhee
Kis taraf kaun see manzilon men ga.ee
Sub.h-dam rang nikhraa har ik shaakh kaa
Raushnee shabnamee konpalon men ga.ee