jab main na hoon to shahr men mujh saa koi to ho

Jab main na hoon to shahr men mujh saa koee to ho Deevaar-e-zindagee men dareecha koee to ho Ik pal kisee darakht ke saa.e men saans le Saare nagar men jaanne vaalaa koee to ho Dekhe ajiib rang men tanhaa har ek zaat In gahre paaniyon men utartaa koee to ho DhoonDoge jis ko dil se wo mil jaa.egaa zaroor Aa.enge log aap tamaashaa koee to ho Phir koee shakl baam pe aa.e nazar kaheen Phir rahguzr-e-aam men rusvaa koee to ho Koee to aarzoo-e-farozaan sambhaal rakh Haan apne sar pe qarz-e-tamannaa koee to ho Har-dam ilaaj-e-mehr-o-wafa DhoonDte raho Is teergee men ghar kaa ujaalaa koee to ho 'naaheed' bandishon men muqayyad hai zindagee Jaa.en hazaar baar bulaavaa koee to ho