jilaa vatanii aaj sarhad pe khaamosh topon ke honton pe

Aaj sarhad pe khaamosh topon ke honTon pe PapDee kee tah bhee chaTakh kar giree hai Har ik roz sub.h savere se taareekiyon kee tahon tak Akelaa hee chaltaa hai suraj Udaasee se har aankh ko apnee jaanib tavajjoh kee khaatir Bulaataa hai lekin Nigaahen milaane kaa har hausla Har badan men Faqat siskiyon kee tarah jaagtaa hai Ab faqat aabroo kaa dhuaan kohar ban ke rukaa hai Bas ab bulbulon ke tarannum men bhee Nauha-e-zindagee ke sitam-khez toofaan hain Ab faqat mere apne chaheeton kee laashon ke ambaar hain Ab to khar bhee yahaan hinhinaate nahin Jang-bandee nahin sarhaden bhee nahin Ai miree mujh se rooThee huee Mere padmaa kee ai zinda-tar sar-zameen Meree aankhon tire aasmaanon Tiree aur miree sarhadon ke wo sab faasle Jo magar qurbaton ke sivaa kuch na the Aaj kyuun aankh men ashk ban ke ruke hain Bhalaa kyuun mujhe Teree qurbat ke saayon ko dhundlaahaTon men badalte hue Dekhne ke liye zinda rahnaa paDaa hai Aaj sarhad pe KHamosh topon ke honTon pe PapDi ki tah bhi chaTaKH kar giri hai Har ek roz subh sawere se tarikiyon ki tahon tak Akela hi chalta hai suraj Udasi se har aankh ko apni jaanib tawajjoh ki KHatir Bulata hai lekin Nigahen milane ka har hausla Har badan mein Faqat siskiyon ki tarah jagta hai Ab faqat aabru ka dhuan kohar ban ke ruka hai Bas ab bulbulon ke tarannum mein bhi Nauha-e-zindagi ke sitam-KHez tufan hain Ab faqat mere apne chahiton ki lashon ke ambar hain Ab to KHar bhi yahan hinhinate nahin Jang-bandi nahin sarhaden bhi nahin Ai meri mujh se ruThi hui Mere padma ki ai zinda-tar sar-zamin Meri aankhon tere aasmanon Teri aur meri sarhadon ke wo sab fasle Jo magar qurbaton ke siwa kuch na the Aaj kyun aankh mein ashk ban ke ruke hain Bhala kyun mujhe Teri qurbat ke sayon ko dhundlahaTon mein badalte hue Dekhne ke liye zinda rahna paDa hai