kabhi to aa mirii aankhon ki raushnii ban kar

Kabhee to aa miree aankhon kee raushnee ban kar Zameen-e-khushk ko sairaab kar namee ban kar Rachaa huaa hai tiree kam-nigaahiyon kaa karam Nashe kee tarah mire dil men sarkhushee ban kar Kabhee to aa tapish-e-jaan-gusal hee dene ko Kabhee guzar inhee raahon se ajnabee ban kar Khushaa ki aur milaa gham kaa taaziyaana hamen Khushaa wo dard jo chhaayaa hai naghmagee ban kar Tumhen aziiz naheen hai to ho aziiz kise Na mil sakegaa koee vajh-e-zindagee ban kar PalaT ke dekh na us ko wo khaak kar degaa Tire ghuroor ko zahraab kee anee ban kar Huee na us se wafa tum se kya huaa 'naaheed' Abhee talak jiye jaatee ho baaolee ban kar