kahaaniyaan bhi gaiin qissa khvaaniyaan bhi gaiin

Kahaaniyaan bhee ga.iin qissa-khvaaniyaan bhee ga.iin Wafa ke baab kee sab be-zabaaniyaan bhee ga.iin Wo baazyaabee-e-gham kee sabeel bhee na rahi LuTaa yuun dil ki sabhee be-sabaatiyaan bhee ga.iin Havaa chalee to hare patte suukh kar TuuTe Jo sub.h aa.ee to heeraa-numaa.iyaan bhee ga.iin Wo meraa chehra mujhe aa.ine men apna lage Isee talab men badan kee nishaaniyaan bhee ga.iin PalaT palaT ke tumhen dekhaa par mile bhee nahin Wo ahd-e-zabt bhee TuuTaa shitaabiyaan bhee ga.iin Mujhe to aankh jhapaknaa bhee tha giraan lekin Dil o nazar kee tasavvur-shiaariyaan bhee ga.iin