kashiid shab

Aaj kee raat bhee phir khvaab jagaa.en ge mujhe Phir wo karvaT se khayaalon ke tasalsul ko miTaane kee kasheed-e-koshish Jism ke dard ko silvaT men samo ke Vahee bistar pe taDapte hue mahjoori-e-jaanaan ko Kabhee aah kabhi saans kee gahraa.ee men shal karne kee Sa.i-e-naakaam Ye bhee ma.aloom hai Ye niim rassee fahm kee deevaar talak jast Ye saa.e kee tasveer kisee shakl-o-shabaahat ke tasalsul ke nishaan hain lekin Naa-subooree ye badan toDtee angDaa.iyaan HonTon pe mahaktee larzish Baat ko rabt ke aahang men laane kee talab Mere siine kaa dhuaan aankhen sharaabor kiye Har bun-e-moo ko mulaaqaat kaa juuyaa kar de Aankh chaDhte hue Dariya kee tarah hai pur-aab Paanv phisle hai to phir saans kaa rishta na rahe Ham to chaahen magar is dil ko ye achchhaa na lage Jaan-kanee had se baDhee chaaragaro kuch to karo Aaj ki raat bhi phir KHwab jagaen ge mujhe Phir wo karwaT se KHayalon ke tasalsul ko miTane ki kashid-e-koshish Jism ke dard ko silwaT mein samo ke Wahi bistar pe taDapte hue mahjuri-e-jaanan ko Kabhi aah kabhi sans ki gahrai mein shal karne ki Sai-e-nakaam Ye bhi malum hai Ye nim rassi fahm ki diwar talak jast Ye sae ki taswir kisi shakl-o-shabahat ke tasalsul ke nishan hain lekin Na-suburi ye badan toDti angDaiyan HonTon pe mahakti larzish Baat ko rabt ke aahang mein lane ki talab Mere sine ka dhuan aankhen sharabor kiye Har bun-e-mu ko mulaqat ka juya kar de Aankh chaDhte hue dariya ki tarah hai pur-ab Panw phisle hai to phir sans ka rishta na rahe Hum to chahen magar is dil ko ye achchha na lage Jaan-kani had se baDhi chaaragaro kuch to karo