khushbuu ko rangton pe ubhartaa huaa bhi dekh

Khushboo ko rangton pe ubhartaa huaa bhee dekh Naqsh-e-zar-e-bahaar chamaktaa huaa bhee dekh Rakh ke madaar-e-shauq kisee aaftaab par Too sang-e-intizaar pighaltaa huaa bhee dekh Aankhon ke gird jhaankte halqe na dekh too Sail-e-khajista-khoo ko utartaa huaa bhee dekh Be-faiz dasht-e-dard men aahistagee ke saath Aahoo-sarisht logon ko chaltaa huaa bhee dekh Rang-e-hinaa ko naqsh-e-qadam se judaa bhee kar Sahraa men rakhsh-e-shauq ko girtaa huaa bhee bhee dekh Mahsoos kar chhalakte hue shauq kee jalan Yakh chaandnee men jism ko jaltaa huaa bhee dekh Har chiiz de ke jaatee hai apnee nishaaniyaan Har gul men rang-e-sub.h jhalaktaa huaa bhee dekh 'naaheed' cheera-e-dastee-e-yaaraan aziiz rakh Mauqe ke saath un ko badaltaa huaa bhee dekh