kuch agar hai to mile khvaab men aae mujhe mujh se milaae

Khvaab men aa.e mujhe mujh se milaa.e Mujhe sairaabee-e-deedaar se gulzaar kare Khvaab wo khvaab ki ho jis tamaazat kaa fusoon-zaad Khvaab wo khvaab ki ban jaa.e shikast-e-be-daad Kattha.ee rang ghule surma.ee shaam men aise ki shafaq Khuun kee aanchon se dahak kar phaile Aate-jaate hue logon kee tag-o-taaz bhee Andeshon se anjaan lage Jaage khadshe bhee khadd-o-khaal tamannaa se hoon mab.hoot Har ik uzlat-e-jaan shauq kee shamsheer liye Phail ke saahil-e-paayaab ko ghaarat kar de Marqad-e-heela-e-be-sood miTe Kuchh agar hai to mile Koee gar hai to chalaa aa.e mujhe mujh se milaa.e Mujhe sairaabee-e-deedaar se gulzaar kare KHwab mein aae mujhe mujh se milae Mujhe sairabi-e-didar se gulzar kare KHwab wo KHwab ki ho jis tamazat ka fusun-zad KHwab wo KHwab ki ban jae shikast-e-be-dad Katthai rang ghule surmai sham mein aise ki shafaq KHun ki aanchon se dahak kar phaile Aate-jate hue logon ki tag-o-taz bhi Andeshon se anjaan lage Jage KHadshe bhi KHadd-o-KHal tamanna se hun mabhut Har ek uzlat-e-jaan shauq ki shamshir liye Phail ke sahil-e-payab ko ghaarat kar de Marqad-e-hila-e-be-sud miTe Kuchh agar hai to mile Koi gar hai to chala aae mujhe mujh se milae Mujhe sairabi-e-didar se gulzar kare