Kuch bol guftuguu kaa saliiqa na bhuul jaae

Kuch bol guftugoo kaa saleeqa na bhuul jaa.e Sheeshe ke ghar men tujh ko bhee rahnaa na bhuul jaa.e Vaa rakh sadaa dareecha-e-khud-aagahee ki too Achchhe to kya buron ko parakhnaa na bhuul jaa.e Zakhm-e-nihaan ko shauq-e-talab se judaa na kar Hota hai roz o shab jo tamaashaa na bhuul jaa.e Kar den na be-talab ye musalsal aziyyaten Dil bhee kaheen wafa kaa saleeqa na bhuul jaa.e Manzil kaa nashsha qurbat-e-manzil na chheen le Apnee galee men aa ke hee rasta na bhuul jaa.e Mat rakh tazaad-e-zaahir-o-baatin ki aadmee Tujh ko tire amal se parakhnaa na bhuul jaa.e Wo bhiiD hai ki shahr men chalnaa muhaal hai Unglee pakaDnaa baap kee bachcha na bhuul jaa.e 'naaheed' rif.aten to milengee bahut magar Aankhon ko apne shahr kaa naqsha na bhuul jaa.e