mujhe bhulaa ke mujhe yaad bhi rakhaa tuu ne

Mujhe bhulaa ke mujhe yaad bhee rakhaa too ne Ye kaisaa da.ava-e-dushvaar phir kiyaa too ne Havaa ne apne liye naam Kuch rakhe honge Thakan se poochh liyaa ghar kaa raastaa too ne Hazar ki ab mire haathon men mudda'aa bhee naheen Kiyaa hai laila-e-khvaahish ko be-adaa too ne Ye kaun teree tarah meree aankh men chamkaa Jalaa.ee kaisee ye qindeel-e-bad-duaa too ne Nigaah-e-shab tire aangan men khvaab DhoonDhe thee Ye ab ke zakhm bhee kaisaa diyaa nayaa too ne Tujhe mire liye neendon ke phuul laane the Ye kaisaa aankhon ko bakhshaa hai ratjagaa too ne Libaas badlee huee raunaqon ke achchhe the Magar ye dil ki rakhaa hausla-qabaa too ne Qadam ukhaD se ga.e the bajaa.e ham-safaree Havaa ko oDh ke dekhaa thaa baar-haa too ne Rahee gurez kee tah-daamanee se bargashta Mujhe diyaa thaa wo sauda-e-hausla too ne