rivaayat na tuute ham rivaayaat ki kohna sadiyon ke parbat tale

Ham rivaayaat kee kohna sadiyon ke parbat tale Vo ghane sabz jangal hain jo Be-panaah shaakh-dar-shaakh taabindagee Taazgee ke tamavvuj se sanvlaa ke Khud hee jhulas jaa.en Aise jalen aise jalen Ki faqat duur tak ko.elaa ko.elaa hee dikhaa.ee de Aur taazgee kee numoo Khaak se bhee gavaahee na de Vo muqaddar ke achchhe Ki jin ko jalaape kee muddat guzarne pe Un ko.elon kee jagah hiire motee mile Vo muqaddar ke achchhe Ki jin kee duaa.en zameen kee tahon men vaheen To kaheen sonaa chaandee banen Vo muqaddar ke achchhe Ki jin ke badan kholte Khoon ke chashme the Ab bhee hain Paare kee kaanon kee soorat kaheen To kaheen aise bhee sakht jaanon ke hain silsile jaa-ba-jaa Jin se faulaad kaa naam paa.inda hai Vo jalan jo kabhi taazgee ke tamavvuj se paidaa huee Hai muqaddar kee tahreer aisi ki jis kee jalan ibtidaa Intihaa bhee jalan Jalte rehne kaa ye saaneha bhee jalan Anjuman anjuman Chaudhveen-raat ke chaand ne bhee kahaa Bheegee barsaat ke ra.ad ne bhee kahaa Tum vahee ho ki jin ko chaTakhne kee mohlat bhee miltee nahin Ab rivaayat yahee hai Nibhaao hanso Muskuraao jalo Har ik zard chehra gulaabee karo Har ik aankh ko arghavaanee karo Magar yaad rakkho Rivaayat na TuuTe Tamavvuj kee har taazgee laakh jhulse Rivaayat na TuuTe Hum riwayat ki kohna sadiyon ke parbat tale Wo ghane sabz jangal hain jo Be-panah shaKH-dar-shaKH tabindagi Tazgi ke tamawwuj se sanwla ke KHud hi jhulas jaen Aise jalen aise jalen Ki faqat dur tak koela koela hi dikhai de Aur tazgi ki numu KHak se bhi gawahi na de Wo muqaddar ke achchhe Ki jin ko jalape ki muddat guzarne pe Un koelon ki jagah hire moti mile Wo muqaddar ke achchhe Ki jin ki duaen zamin ki tahon mein wahin To kahin sona chandi banen Wo muqaddar ke achchhe Ki jin ke badan kholte KHun ke chashme the Ab bhi hain Pare ki kanon ki surat kahin To kahin aise bhi saKHt jaanon ke hain silsile ja-ba-ja Jin se faulad ka nam painda hai Wo jalan jo kabhi tazgi ke tamawwuj se paida hui Hai muqaddar ki tahrir aisi ki jis ki jalan ibtida Intiha bhi jalan Jalte rehne ka ye saneha bhi jalan Anjuman anjuman Chaudhwin-raat ke chand ne bhi kaha Bhigi barsat ke rad ne bhi kaha Tum wahi ho ki jin ko chaTaKHne ki mohlat bhi milti nahin Ab riwayat yahi hai Nibhao hanso Muskurao jalo Har ek zard chehra gulabi karo Har ek aankh ko arghawani karo Magar yaad rakkho Riwayat na TuTe Tamawwuj ki har tazgi lakh jhulse Riwayat na TuTe