shikast e rang mujhe magluub karne ko

Mujhe maghloob karne ko Mire jazbaat ke andokhta heelon ko uksaa kar wo kahte hain Tiree aankhon tiree baanhon men Jannat ke shagoofon kee mahak Aasaa.ishon kee lazzaton kaa lams rachtaa hai Magar ab khvaahishen paanv pakaDtee hain Na.e khawabon ke jaalon men ulajhte saans kahte hain Kabhee to phaile haathon ke tamavvuj men simaT jaane kee targheeb-o-ishaarat ko Guzartee saa.aton se maavaraa aise zamaanon kee Fazaa samjho Jahaan saa.e simaT kar ek hoon Tasleem-e-jaan tak kee humak jaage Kabhee Thahro Kabhee baDhtee huee maujon se ham-aaghosh hotee Tez lahron kee fazaa hone men Yak-jaanee kee pinhaan sarkhushee dekho Kabhee us jabr-e-be-andaaz ke phande se niklo Aur racho us men ki wo khud tum men rachne ke liye betaab daa.im hai Rachaao haath men is tarah mehndee Log kah uTheen Use chaahat kee be-paayaan tapish kee hiddaten gulzaar kartee hain Rachaao haath men is tarah mehndee Ye tapaan nangee hathelee apna paikar Surkhiyon se Dhaanp le aise Ki dil ke tishnagee aasaar jazbe bhee Tazabzub ke dhundlakon se nikal kar Roz-o-shab kee naghmagee ko jazb karne par hoon aamaada Magar rangon ko aakhir Jabr-e-be-rangee kaa khamyaaza muqaddar hai Agar yuun apne haathon se lagaa.ee mehndiyon ke rang uD jaa.en To hasrat-zada aankhen kise chaahen Kise paaband-e-dar samjhen Kise DhoonDen Mujhe maghlub karne ko Mere jazbaat ke andoKHta hilon ko uksa kar wo kahte hain Teri aankhon teri banhon mein Jannat ke shagufon ki mahak Aasaishon ki lazzaton ka lams rachta hai Magar ab KHwahishen panw pakaDti hain Nae KHwabon ke jalon mein ulajhte sans kahte hain Kabhi to phaile hathon ke tamawwuj mein simaT jaane ki targhib-o-ishaarat ko Guzarti saaton se mawara aise zamanon ki Faza samjho Jahan sae simaT kar ek hun Taslim-e-jaan tak ki humak jage Kabhi Thahro Kabhi baDhti hui maujon se ham-aghosh hoti Tez lahron ki faza hone mein Yak-jaani ki pinhan sarKHushi dekho Kabhi us jabr-e-be-andaz ke phande se niklo Aur racho us mein ki wo KHud tum mein rachne ke liye betab daim hai Rachao hath mein is tarah mehndi Log kah uThin Use chahat ki be-payan tapish ki hiddaten gulzar karti hain Rachao hath mein is tarah mehndi Ye tapan nangi hatheli apna paikar SurKHiyon se Dhanp le aise Ki dil ke tishnagi aasar jazbe bhi Tazabzub ke dhundlakon se nikal kar Roz-o-shab ki naghmagi ko jazb karne par hun aamada Magar rangon ko aaKHir Jabr-e-be-rangi ka KHamyaza muqaddar hai Agar yun apne hathon se lagai mehndiyon ke rang uD jaen To hasrat-zada aankhen kise chahen Kise paband-e-dar samjhen Kise DhunDen