sone se pahle ek khayaal mujhe november ki dhoop ki tarah mat chaaho

Mujhe november kee dhoop kee tarah mat chaaho Ki is men Duubo to tamaazat men nahaa jaao Aur is se alag ho to ThanDak ko por por men utartaa dekho Mujhe saavan ke baadal kee tarah chaaho Ki us kaa saaya bahut gahraa Nas nas men pyaas bujhaane vaalaa Magar us kaa vajood pal men havaa Pal men paanee kaa Dher Mujhe shaam kee shafaq kee tarah mat chaaho Ki aasmaan ke qurmuzee rangon kee tarah Mere gaal surkh Magar lamha-bhar ba.ad Hijr men nahaa kar, raat see mailee mailee Mujhe chaltee havaa kee tarah mat chaaho Ki jis ke qayaam se dam ghuTtaa hai Aur jis kee tez-ravee qadam ukheD detee hai Mujhe Thahre paanee kee tarah mat chaaho Ki main is men kanval ban ke nahin rah saktee hoon Mujhe bas itnaa chaaho Ki mujh men chaahe jaane kee khwaish jaag uThe! Mujhe nowember ki dhup ki tarah mat chaho Ki is mein Dubo to tamazat mein naha jao Aur is se alag ho to ThanDak ko por por mein utarta dekho Mujhe sawan ke baadal ki tarah chaho Ki us ka saya bahut gahra Nas nas mein pyas bujhane wala Magar us ka wajud pal mein hawa Pal mein pani ka Dher Mujhe sham ki shafaq ki tarah mat chaho Ki aasman ke qurmuzi rangon ki tarah Mere gal surKH Magar lamha-bhar baad Hijr mein naha kar, raat si maili maili Mujhe chalti hawa ki tarah mat chaho Ki jis ke qayam se dam ghuTta hai Aur jis ki tez-rawi qadam ukheD deti hai Mujhe Thahre pani ki tarah mat chaho Ki main is mein kanwal ban ke nahin rah sakti hun Mujhe bas itna chaho Ki mujh mein chahe jaane ki KHwahish jag uThe!