surkhii badan men rang e wafa ki thii Kuch dinon

Surkhee badan men rang-e-wafa kee thee Kuch dinon Taaseer ye bhee us kee duaa kee thee Kuch dinon DhoonDe se us ke naqsh ulajhte the aur bhee Haalat tamaam karb-o-balaa kee thee Kuch dinon Kaaghaz pe thaa likhaa huaa har harf-e-lab-kushaa Tahreer jism-e-saut-o-sadaa kee thee Kuch dinon Shaakhon pe konpalon ko zubanein ataa huiin Ye dilbaree bhee dast-e-sabaa kee thee Kuch dinon Dil-sozi-e-wafa ko shakebaa.ee kee ataa Shaa.istagee ye rang-e-hinaa kee thee Kuch dinon Ab hai kudooraton kaa khulaa dasht aur main Chaahat tamaam teree razaa kee thee Kuch dinon Kaifiyat-e-nashaat thee khud hee se guftugoo 'naaheed' ye ridaa bhee hayaa kee thee Kuch dinon