talaash Dariya ki thii ba zaahir saraab dekhaa

Talaash Dariya kee thee ba-zaahir saraab dekhaa Wo kaun aankhen thiin jin kee khaatir ye khvaab dekhaa Jo rut bhee aa.e hameen se girya kaa rizq maange Hamaaree soorat kise zameen intikhaab dekhaa Nadaamaten bahte aansuon se sharh na paa.en Safeena apnee duaa kaa maqtal rikaab dekhaa Barastee aankhon se sookhe taalaab bhar na paa.en Ye gham kaa Dariya misaal-e-qarz-e-sahaab dekhaa Kabhee to aankhon men un kee aabaadiyaan khilengee Wo bastiyaan umr bhar jinhen zer-e-aab dekhaa Abhee to bakhiya-garee ko sozan hee kaam aa.e Hinaa kee dahleez pe tulu-e-hijaab dekhaa Yaqeen ki tishna-labee muqaddar raqam rahegee Vufoor-e-Dariya bhee misl-e-Dariya-e-khvaab dekhaa Jataa gaya saaree aadaten bas gale se lag ke Us ek anjum ko chaandnee ke hisaab dekhaa Khayaal us ke badan kee galiyon ko DhoonDtaa hai Wo jis ko dekhaa to hairaton ko naqaab dekhaa