tishnagii Acchi nahin rakhnaa bahut

Tishnagee achchhee nahin rakhnaa bahut Rauzan-e-gul se use taknaa bahut Dekh kar jis shakhs ko hansnaa bahut Sar ko is ke saamne Dhaknaa bahut Jis kee aankhon men na jhaankaa jaa.egaa Is kee hee tahreer ko paDhnaa bahut Mauja-e-reg-e-ravaan hai zer-e-aab Apnee hastee dekh kar baDhnaa bahut Barf kee maanind jiinaa umr bhar Ret kee soorat magar tapnaa bahut Umr bhar kee bandishen khvaab-o-khayaal Do qadam bhee saath hai chalnaa bahut Khastagee 'naaheed' ban jaa.e na jurm Apnee hastee dekh kar baDhnaa bahut