tujh se bahut qariib bhi tanhaa bhi the hamiin
— Kishwar Naheed
Tujh se bahut qareeb bhee tanhaa bhee the hameen
The aabroo-e-ishq pa rusvaa bhee the hameen
Aankhon men Khoon thaa ki zameen thee lahoo lahoo
Zanjeer-e-gham pahan ke tamaashaa bhee the hameen
Har har qadam pe ik na.ee deevaar thee khaDee
Us raat ke safar men ujaalaa bhee the hameen
Ma.aloom thaa ye ishq naheen maat kaa hai khel
Paspaa hue the ham hee havaala bhee the hameen
Ma.aloom thaa ki vahshaten apnee bisaat hain
Ma.aloom thaa ki shaam kaa taara bhee the hameen
Aankhon men khvaab chubhte rahenge tamaam umr
Ye dard-e-laa-davaa thaa maseehaa bhee the hameen
Ab yaad bhee na aao ki va.ada bhee thaa yahee
Dasht-e-balaa men va.ada-e-fardaa bhee the hameen
Ai sub.h-e-nau-bahaar kabhee too idhar bhee aa
Ahbaab jaante hain ki tujh saa bhee the hameen