tujh se waada aziiz tar rakkhaa

Tujh se va.ada azeez-tar rakkhaa Vahshaton ko bhee apne ghar rakkhaa Apnee be-chehragee chhupaane ko Aa.ine ko idhar udhar rakkhaa Ik tiraa gham hee apnee daulat thee Dil men posheeda be-khatar rakkhaa Aarzoo ne kamaal pahchaanaa Aur ta'alluq ko taaq par rakkhaa Is qadar thaa udaas mausam-e-gul Ham ne aab-e-ravaan pe sar rakkhaa Apnee vaaraftagee chhupaane ko Shauq ne ham ko dar-ba-dar rakkhaa Kalma-e-shukr ki mohabbat ne Ham ko tamheed-e-khvaab par rakkhaa Un ko samjhaane apna harf-e-sukhan Aansuon ko payaam par rakkhaa