tumhaarii yaad men ham jashn e gam manaaen bhi

Tumhaaree yaad men ham jashn-e-gham manaa.en bhee Kisee tarah se magar tum ko yaad aa.en bhee Chhalak hee paDte hain khud hee gulaab aankhon ke Wo paas aa.en to ye daastaan sunaa.een bhee Har ek lamha yahee bekalee see hai dil men Ki un ko yaad karen un ko bhuul jaa.en bhee Javaan gehoon ke kheton ko dekh kar ro den Wo laDkiyaan ki jinhen bhuul baiTheen maa.en bhee Tamaam umr yoonhee ratjagon se kya haasil Unhen bhulaa.en zaraa niind ko bulaa.en bhee Sukoon miltaa hai jaltee huee dopahron men Banee hain marham-e-dil dhoop kee shuaa.en bhee Ravaa-ravee men hai har ek sohbat-e-yaaraan Milen sakoon se to qisse tire sunaa.en bhee Wo jin ke zikr se 'naaheed' zindagee hai haseen Wo log aa.en to aankhon pe ham biThaa.en bhee