wo ajnabii thaa gair thaa kis ne kahaa na thaa

Wo ajnabee thaa ghair thaa kis ne kahaa na thaa Dil ko magar yaqeen kisee par huaa na thaa Ham ko to ehtiyaat-e-gham-e-dil aziiz thee Kuch is liye bhee kam-nigahee kaa gilaa na thaa Dast-e-khayaal-e-yaar se phooTe shafaq ke rang Naqsh-e-qadam bhee rang-e-hinaa ke sivaa na thaa DhoonDaa use bahut ki bulaayaa thaa jis ne paas Jalva magar kaheen bhee sadaa ke sivaa na thaa Kuch is qadar thee garmee-e-baazaar-e-aarzoo Dil jo khareedtaa thaa use dekhtaa na thaa Kaise karenge zikr-e-habeeb-e-jafaa-pasand Jab naam doston men bhee lenaa ravaa na thaa Kuch yuun hee zard zard see 'naaheed' aaj thee Kuch oDhnee kaa rang bhee khiltaa huaa na thaa